Azərbaycan Dövlət Aqrar Universitetinin (ADAU) Mühəndislik fakültəsinin Həyat fəaliyyətinin təhlükəsizliyi kafedrasında ümummilli lider Heydər Əliyevin anadan olmasının 99-cu il dönümünə həsr olunan elmi-praktik konfrans keçirilib.

Konfransda fakültənin professor-müəllim heyəti bakalavr və magistr tələbələr iştirak ediblər.

Konfransda kafedranın professor-müəllim heyətinin rəhbərliyi ilə tələbələrin hazırladıqları 7 mövzu dinlənilib.

“Aqromühəndislik” ixtisasının I kurs tələbələri Liza Yusifzadə, Səid Salahov, Hüseyn Bağırov, Şahlar Muxtarov, Aslan Əsgərov, həmin ixtisasın III kurs tələbəsi Xəyal Orucov və informasiya texnologiyaları ixtisasının III kurs tələbəsi Xalid Xəlilovun məruzələri iştirakçılar tərəfindən maraqla qarşılanıb.

Sonra konfransda çıxış edən tələbələr mükafatlandırılıblar.